Şamaxının Göylər kəndi susuz qaldı: 12 minə yaxın sakin çətin vəziyyətdədir (VİDEO)
Şamaxının 12 minə yaxın sakini olan Göylər kəndi su üzünə həsrət qalıb.
"Xəzər TV"nin məlumatına görə, kəndlilər bildirirlər ki, dərdlərinə carə tapılmır.
Əvvəllər su götürdükləri bulaqlar quruyub. Kənddə artıq demək olar ki, su yoxdur.
Sakinlər bildiriblər ki, ehtiyaclarını yağış suyu hesabına ödəyirlər. Ya da su üçün kənddən 1 kilometr aralıda yerləşən bulağa gedirlər. Məcburiyyətdən bəzən 40 manat verib maşınla su gətizdirirlər.
Məsələ ilə bağlı kənd bələdiyyəsinin sədri Çingiz Kərimov bildirib ki, problemin kompleks həlli üçün külli miqdarda vəsait lazımdır.
Sədr həmçinin əlavə edib ki, yaxın zamanlarda aidiyyəti qurumlar tərəfindən məsələ ilə bağlı müsbət cavabın verilməsinə ümid edilir.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər