Bu gün Azərbaycan Premyer Liqasında XVIII tura start veriləcək.
Qaynarinfo xəbər verir ki, ilk oyun günündə iki qarşılaşma baş tutacaq.
Əvvəlcə "Zirə" "Sumqayıt"ı qəbul edəcək. Komandalar Premyer Liqada 25 dəfə üz-üzə gəliblər. Bunların 12-də meydan sahibləri, 6-da qonaqlar qələbəyə sevinib. Top fərqi "Zirə"nin xeyrinədir - 33:21. Qəsəbə təmsilçisi son 5 oyunda rəqibinə uduzmayıb. Sumqayıtlılar isə son 4 qarşılaşmada qol vura bilməyib.
Turun ilk gününə "Neftçi" - "Səbail" matçı ilə yekun vurulacaq. Paytaxt təmsilçiləri çempionatda 17 dəfə qarşılaşıblar. Bunların 12-də "Neftçi", ikisində isə qonaqlar qələbə qazanıb. Top fərqi "Neftçi"nin xeyrinədir - 38:11.
Azərbaycan Premyer Liqası, XVIII tur
5 mart (şənbə)
17:00. "Zirə” – "Sumqayıt”
Hakimlər: Rauf Allahverdiyev, Cavanşir Yusifov, Müslüm Əliyev, Əliyar Ağayev
Hakim-inspektor: Ramil Diniyev
AFFA nümayəndəsi: Bəhram Qurbanov
Zirə İdman Kompleksinin stadionu
19:15. "Neftçi” – "Səbail”
Hakimlər: Kamal Umudlu, Kamran Bayramov, Vüsal Məmmədov, Tural Qurbanov
Hakim-inspektor: İmanxan Sultani
AFFA nümayəndəsi: İlham Əliyev
"Bakcell Arena”
18-ci tura martın 6-da oynanılacaq "Keşlə" - "Sabah" və "Qarabağ" - "Qəbələ" qarşılaşmaları ilə yekun vurulacaq.
"Qarabağ" - 37, "Qəbələ" - 32, "Zirə" - 31, "Neftçi" - 28, "Sabah" - 20, "Keşlə" - 15, "Sumqayıt" - 13, "Səbail" - 11
Səbuhi Həsənov
Şərhlər