Dünya 09:16 04.05.2022

Şimali Koreya Yaponiya dənizi istiqamətində ballistik raket buraxdı

Şimali Koreya çərşənbə günü Yaponiyaya, Şərq dənizinə doğru ballistik raket atıb.

Qaynarinfo "Yonhap" agentliyinə istinadla xəbər verir ki, bu barədə Cənubi Koreyanın Qərargah Rəisləri Birləşmiş Komitəsi məlumat yayıb.

Məlumata görə, hazırda bununla bağlı müvafiq araşdırmalar aparılır. 

Raketin neytral əraziyə düşdüyü ehtimal edilir.

Hadisə ilə bağlı digər təfərrüatlar açıqlanmayıb.

Xəyal Abdullayev