Keçmiş hökumət müxalifətə və Kataloniya hərəkatına qarşı sifarişli kampaniya təşkil edib - Qalmaqal

Qaynarinfo xəbər verir ki, bu barədə "Euractiv” yazır.

İstintaq İspaniyanın antikorrupsiya orqanları tərəfindən idarə olunan "mətbəx işi"nin bir hissəsidir. Bu iş yüksək rütbəli polis məmurlarının keçmiş EPP-nin daxili işlər nazirinin rəhbərliyi altında EPP-nin keçmiş xəzinədarı Luis Barsenasdan həssas məlumatların ələ keçirilməsi əməliyyatında iştirakını araşdırır və bu, partiyanın yüksək rütbəli məmurlarını korrupsiya əməllərinə görə ifşa edir.

Bu konkret epizod, Podemosa zərbə vurmaq və Kataloniya Müstəqillik Hərəkatını zəiflətmək məqsədi ilə Daxili İşlər Nazirliyinin koordinasiya etdiyi polis məmurlarının işə cəlb edilməsinə aiddir.

İspaniyanın "El Pais” nəşri 2015-2019-cu illər arasında Daxili İşlər Nazirliyinin təhlükəsizlik üzrə keçmiş dövlət katibi Fransisko Martinez və milli polisin əməliyyatlar üzrə keçmiş direktoru Euxenio Pino arasında baş tutan yazışmaları dərc edib.

"Çirkli missiya" o vaxtkı hökumət, polis və media arasında əməkdaşlıqda Podemosu İran və Venesueladan qeyri-qanuni maliyyələşdirmə ilə əlaqələndirmək məqsədi daşıyırdı.

Podemos 2015-ci ildə keçirilən ümumi seçkilərdə 69 yer qazandıqdan qısa müddət sonra Daxili İşlər Nazirliyi Podemosun keçmiş lideri Pablo İqlesiasın İran hökumətindən maliyyə aldığını iddia edən hesabat yaymağa başlayıb. Bir çox İspaniya mətbuatında dərc olunan sənəd məhkəmə orqanları tərəfindən qəbul edilməyib.

Aşkar edilən yazışmalar göstərir ki, qısa müddət sonra Martinez və Pino Venesueladan yeni mənbələr haqqında Podemos əleyhinə məlumat mübadiləsi aparıblar.

Bu məlumatların bir hissəsi İspaniya mətbuatına sızıb və Pablo İqlesiasın etirazına səbəb oldu, o, "təqibləri" psiləyib.

İqlesias açıq şəkildə etiraz etdikdən sonra Pino Martinezə bəyan edilməmiş vəsaitləri araşdırdıqlarını iddia edərək, "bu cinayətdir və araşdırılan da məhz budur" mesajı göndərib. 

Məlumatda hökumətin Kataloniya müstəqillik hərəkatını gözdən salmaq cəhdindən də bəhs edilir.

2015-ci ildə İspaniya məhkəməsi tərəfindən keçmiş Kataloniya lideri Karles Puçdemonun ailəsinin evlərində və iş yerlərində aparılan axtarışlar zamanı Martinez axtarışlarda iştirak edən Pinonu "böyük hay-küy qaldırmaq üçün bu gün baş verənlərdən xəbərdar olmağa” çağırıb. 

Kataloniya müstəqillərinin lideri və Avropa Parlamentinin üzvü Klara Ponsati bildirib ki, bu, "istənilən demokratik ölkədə dərhal siyasi və məhkəmə nəticələrinə səbəb olacaq bir qalmaqaldır".

"İspaniyada bu baş verməyəcək, çünki siyasi və məcburi hakimiyyətin bütün qollarını, hökuməti, parlamenti və məhkəməni, polis və mətbuatı özündə birləşdirən sistem var ki, onlar struktur düşmən hesab etdikləri insanların həyatını və siyasi ideyalarını məhv etmək üçün əməkdaşlıq edirlər", Ponsati deyib.

Podemos hesab edir ki, Avropa İttifaqı bu problemi məhkəmə sistemindən istifadə edərək ölkəni daxildən sarsıtmaq cəhdləri olan Polşa və Macarıstanda olduğu kimi həll etməlidir.

Podemosun fikrincə, ümumavropa fəaliyyətinə Aİ və üzv ölkələr üçün Avropa Antikorrupsiya Planı daxil edilməlidir. Sol partiya həmçinin korrupsiya və maliyyə cinayətləri ilə mübarizə aparan polis qüvvələrinin yaradılmasını, həmçinin Avropa dələduzluğa qarşı Bürosunun (OLAF) agentliyə çevrilməsini təklif edir.