Dünya 11:36 24.07.2022

Nigeriya Avropa Birliyində Rusiya qazını əvəz edəcək

Avropa Birliyi Rusiyadan təbii qaz idxalını kəsdikdən sonra Afrikada böyük neft və təbii qaz ehtiyatlarına malik Nigeriyadan idxalını 14%-dən yuxarı artırmaq niyyətindədir.

Qaynarinfo bu barədə "Reuters"ə istinadən xəbər verir.

Bununla əlaqədar olaraq, Avropa İttifaqının Energetika Departamentinin baş direktorunun müavini Metyu Balduin Nigeriyaya səfər edib və ölkənin bir sıra rəsmiləri ilə görüşüb, Nigeriyadan mayeləşdirilmiş təbii qazın (LNG) idxalını indiki göstəricidən daha da artırmaq istədiklərini bildirib. 

Balduin Nigeriyanın Niger Deltası bölgəsində təhlükəsizliyi yaxşılaşdırdığını və Trans-Niger boru kəmərini avqust ayından sonra yenidən açmağı planlaşdırdığını açıqlayıb. Bu da Avropaya daha çox qaz ixracına səbəb olacaq.

Bolduin bu ölkədən ümumi maye qaz ixracının 60%-nin Avropaya ötürüldüyünə diqqət çəkib: "Rusiyanın Ukraynanı işğal etməsindən və enerji bazarında qeyri-sabitlikdən sonra Avropa qaz böhranındadır və tam qazın kəsilmək riski var". 

Qeyd edək ki, Nigeriya həmçinin xam neft hasilatında dünyanın ilk 15 ölkəsi arasında, ən böyük neft ehtiyatlarına malik 8-ci ölkəsi, ixracatda isə 6-cı ölkədir. Təxminən 37 milyard barel neft ehtiyatı olan bu ölkə dünya neft ehtiyatlarının 3,1%-nə sahibdir.

M.Arif