“Səbail”in baş məşqçisi: “Burada taktiki savaş gedir”

Komandanın baş məşqçisi Şahin Diniyev Qaynarinfo-ya açıqlamasında ab-havanı dəyərləndirib: 

"Hər şey yolundadır. Bu oyuna da digərləri kimi hazırlaşırıq. Çox istərdik ki, davam edək. Bunun üçün meydançada vuruşacağıq”.

"Hamı sıradadır. Lyuyiç Matiyada kiçik narahatlıqlar var. O da yəqin ki, bu gün yox olacaq”.

"Kubok iki oyuna hesablanır. Burada taktiki savaş gedir. Səfərdə tam başqa oyun olur. Birinci oyunun nəticəsinə uyğun olaraq ikinci matçın planları hazırlanır. Bütün dünyada belədir. Futboldur, uda, uduza bilərik. Komandada psixoloji gərginlik yoxdur. Aydın məsələdir, sonuncu yerdəyiksə, təzyiq olmalıdır. Desəm ki, asandır yalan olar. Tutduğumuz yerə görə üzərimizdə təzyiq var. Ancaq son vaxtlarda komanda səviyyəli, keyfiyyətli oyun göstərir. Bu da optimist danışmağa ümid verir”.