Ötən ilin dekabrında Almaniyada baş verən yanğında ağır yaralanan 22 yaşlı futbolçu Bilal Özkaradan pis xəbər gəlib.
Qaynarinfo-nun məlumatına görə, Almaniyanın Şimali Reyn-Vestfaliya əyalətinin Essen Borbeck şəhərində baş verən yanğında ağır yaralanan 22 yaşlı futbolçu həyatını itirib.
Yanğınsöndürənlər binanın damından içəri daxil olarkən 2 mərtəbəli binada yanğın baş verərkən yuxuda olan Özkara ağır yaralanmış halda liftli nərdivanla evdən çıxarılıb. Ağır yanıq xəsarətləri alan gənc futbolçu xəstəxanaya aparılıb. Almaniya 3-cü Liqasında (Oberliqa) mübarizə aparan "Sxermbek"də çıxış edən Özkara üçün yardım kampaniyası başladılsa da futbolçunun həyatını xilas etmək mümkün olmayıb.
Futbolçunun cənazəsi fevralın 24-ü cümə günü qılınacaq cənazə namazından sonra Rurdakı türk məscidində dəfn ediləcək.
Səbuhi Həsənov
Şərhlər