“Kəpəz” Azərbaycan futboluna qayıdır: Yaşar Vahabzadə ilə müsahibə

"Kəpəz”in baş məşqçisi Yaşar Vahabzadə Qaynarinfo-ya müsahibəsində komandasının durumu və qarşıdakı planlarla bağlı danışıb.

- Hər şey normaldır. Düzdür, sonuncu oyunda zəif çıxış etdik deyə uduzduq. Oyunun təkrarına müəllimlərlə baxırıq, analiz edirik. İtkilərimiz vardı. Əsas heyətimizin 5 üzvü yox idi. Bu, bəhanə deyil, amma ümumilikdə oyunu zəif keçirdik. Statistikaya baxırıq. Hazırlaşırıq, məşqlər gedir. Ab-hava normaldır. Uşaqlar da bilirlər ki, nəticə, yaxşı yerlər uğrunda mübarizə aparmaq lazımdır. 

- 2-4-cü yerlər arasında 1 xal fərq var. Yalnız "Qaradağ Lökbatan”dan bir qədər geriyə düşmüşük. Çempionluq məsələsinə gəlincə, mövsüm başlayanda bildirmişdim ki, çalışacağıq yüksək yerlərdən birini tutaq. Yenə işimizi davam etdiririk. 

- Xeyr, bilirsiniz necədir? Bu il bizdən çox oyunçular getdi, yeniləri gəldi. Komandanı formalaşdırdıq. Çətinliklər var idi. Zədəlilər var ki, komandaya kömək edə bilmirlər. Hansı ki, onlara ümidimiz böyük idi. Qırmızı vərəqə ilə cəzalandırılan oyunçularımız oldu. Fikirləşirəm ki, gələcək oyunlarda bu çətinlikləri geridə qoyacağıq. 

- Əməliyyat olunub. 10-15 günə fərdi məşqlərə başlamalıdır. Hər halda çalışacağıq ki, onu bərpa edək, komandaya faydası dəysin. Amma ondan başqa da əsas heyətdə aparıcı oyunçularımız var. Hansı ki, son oyunlarda zədəyə, qırmızı vərəqələrə və sair problemlərə görə meydançada ola bilmədilər. Elə futbolçumuz var ki, ilk dövrədə bütün oyunlarda meydanda olub, amma indi kömək edə bilmir. Növbəti turdan sonra yığmaların oyununa görə boşluqlar yaranacaq. Fikrimcə, həmin  vaxta kimi oyunçularımız sağalar.

- İndidən nəsə deyə bilmərəm. Amma məşqçi kimi futbolun bölgələrimizdə olmasının vacibliyini düşünürəm. Gəncədə, Tovuzda futbol olmalıdır. Bu bölgələrdə ənənə var. O cümlədən Zaqatalada, Mingəçevirdə də futbol olmalıdır. Bakıda olan digər komandalar da rayonlara səfərə gedərlər. O, futbolçular üçün motivasiya olar. Həm də bölgələrdəki oyunlarda azarkeşlər bilirsiniz ki, çox olur. Bu nöqteyi-nəzərdən futbolumuza böyük faydası dəyər. 

- Əlbəttə, belə söhbətlər var. Amma rəsmi heç nə yoxdur. Lisenziyalaşdırma ilə bağlı proseslər gedir. İşlərimizi qururq. Gəncədəki stadionda təmir işləri aparılır. Bu, çox xoşdur. Amma futbolçularda arxayınlıq yaratmamalıdır. Bu gün onlar Birinci Divizionda oynayırlar. Özlərini yaxşı tərəfdən göstərməlidirlər ki, sabah komanda Premyer Liqaya yüksələndə onlara şans verilsin. Öz üzərlərində çalışmalıdırlar, Premyer Liqaya uyğun olduqlarını sübut etməlidirlər. Əvvəldən özləri ilə də danışmışıq. Şansları öz əllərindədir. 

- Balaca meydançalardır. Uşaq futbolu üçün nəzərdə tutulub. Əsas komandanın öz meydançası var. Açılışı bu yaxınlarda olub. Yəqin ki, istifadə edəcəklər. Əsas komanda və yuxarı yaş qrupları üçün stadionun ərazisində yeni meydançalar tikiləcək. Planda iki təbii meydança salınması nəzərdə tutulub. 

- Bəli, maraqlanırlar. Elxan Məmmədov da gəlmişdi. Düzdür, onunla görüşə bilmədim. Çünki həmin vaxt mən Bakıda idim. Amma şəhər və klub rəhbərliyi onunla görüşüb. Mən yenicə gəlmişəm Gəncəyə. Ona görə də nələrin müzakirə edilməsi ilə bağlı məlumatım yoxdur.