Qarın bölgəsində yaranan piyləri əritməyin ən yaxşı yolu yediklərinizə diqqət etməkdir. Bunun üçün qidaların tərkibini bilmək, kalorini hesablayaraq qidalanmaq lazımdır. "Qaynarinfo" sizə bu qidaların siyahısını təqdim edir: 

1. Yağsız və ya az yağlı süd və süd məhsulları


Əzələlərin möhkəmləndirilməsini təmin edər və çəki verməyə səbəb olar. Osteoporoz başda olmaqla piylənmə, artıq çəki problemlərini, xərçəng və qan təzyiqi kimi xəstəliklərin irəliləməsinin qarşısını alır. Süd və qatıq protein, kalsiyum, fosfor, riboflavin və B12 vitaminləri başda olmaqla bir sıra vitamin və mineralları özündə birləşdirir. 

2. Yumurta


Yumurta da həmçinin əzələləri möhkəmləndirir, yağları əritməyə kömək edir. Gün boyu sizi tox tuta biləcək ən önəmli protein hesab olunur. "Amerika Universiteti jurnalı"nda yayımlanan bir tədqiqatın nəticəsinə görə, səhər yeməyində 2 yumurta və çörək yeyən insanlar növbəti 24 saat ərzində 400-dən daha az kalori alır. Yumurtanın yanında cəfəri və qoz yeyərək daha uzun müddət tox qala, faydalı yağ turşuları ala, liflərin tarazlığını tənzimləyə bilərsiniz. 

3. Badam və bu kimi çərəz növləri 


Yağları sürətli şəkildə əridən badam, karbohidrat, protein, doymamış yağ, lif, fosfor, kalsiyum, dəmir, potasiyum, maqneziyum, zink, A, B, C və E vitaminlərini özündə birləşdirir. Ancaq çərəzi yeyərkən miqdarına diqqət etək lazımdır. Gün boyu 10-15 dənədən çox yemək məsləhət görülmür. 

4. Zeytun yağı


Xolesterolu aşağı salır, immun sistemini gücləndirir. Xərçəng, ürək, qan-damar sistemi xəstəlikləri ilə mübarizə aparır. Çəki itirmək istəyirsinizsə, zeytun yağına ehtiyacınız var. Amma 1 desert qaşığının 45 kalori olduğunu unutmaq olmaz. 

5. Paxlalı bitkilər


2 qrup arasında aparılan bir tədqiqat nəticəsində müəyyən olunub ki, pəhriz boyu paxlalı bitkilərlə qidalanan qrupun yağlanma dərəcəsi, xolesterolu daha az, enerji miqdarı isə daha çox çıxıb.  

6. Yaşıl çay


Yaşıl çayın pəhrizin əsas qidalarından biri olduğu hər kəs tərəfindən bilinir. Yaşıl çayın tərkibində olan EGCG maddəsi qara çayda yoxdu. Çünki yaşıl çayın qara çaya çevrilməsi prosesində bu maddə itir. Bu səbəbdən də qara çayın yanında yaşıl çay içilməsi vacib sayılır. 

7. Ananas


C vitamini qaynağı olan ananas liflərlə zəngindir. Bitkilərdə az tapılan magneziyanın da əsas mənbəyidir. Orqanizimdə yarana biləcək şişləri və iltihabı yerində məhv edir. Zədələnmiş hüceyrələrin bərpa olunmasını təmin edir. Bir sözlə, gözəl dadıyla pəhriz proqramınızın keçilməzi ola bilər. 

Nərmin Həsənli

Qaynarinfo.Az