Dünya 22:25 17.12.2023

AK rəhbəri Avropa İttifaqını dağıtmaqda ittiham edildi

"Avropa Komissiyasının rəhbəri Ursula fon der Leyen Ukrayna ilə bağlı açıqlamaları ilə Avropa İttifaqının məhvinə töhfə verir". 

Qaynarinfo xəbər verir ki, bunu alman əsilli fin biznesmeni Kim Dotkom X (keçmiş Twitter) sosial şəbəkəsindəki hesabında yazıb.

Sahibkar hesab edir ki, fon der Leyenin Aİ-nin problemlərini həll etmək üçün alternativ inkişaf etdirmək niyyəti birliyin məhvinə gətirib çıxarır. O qeyd edib ki, mühüm qərarlar assosiasiyanın bütün 27 ölkəsinin razılığı olmadan qəbul edilir.

Biznesmen bildirib ki, Avstriya kansleri Karl Nehammerin səsvermə zalında olmadığı bir vaxtda Rusiyaya qarşı yeni Avropa sanksiyaları paketi razılaşdırılıb. Səsvermə zamanı o, Avropa Komissiyasının rəhbəri Ursula fon der Leyenlə Rumıniya və Bolqarıstanın Şengen zonasına daxil olmasını müzakirə edib. Nehammer otaqda olmayanda digər ölkələrin liderləri 12-ci paketlə bağlı razılığa gələ bildilər.

"Ölkələr bütün mühüm qərarlarda yekdillik vəd edərək Aİ-yə daxil olmağa razılıq veriblər. Bu vəd indi pozulur", deyə Dotkom bildirib.

Aydın