Amerikada doğulan, Avropada boğulan potensial - Aleksandre Pato

Qaynarinfo.az onun üçüncü dəfə Braziliya komandasına qayıdana qədər keçirdiyi karyerası haqda hazırlanan yazını təqdim edir. 

Pato Braziliyadan kənara çıxmaq, dünya futbolunun ən yaxşı oyunçusu olmaq və bir neçə dəfə "Ballon d'Or”u qazanmaq üçün istedadlı oyunçulardan birinə çevrilirdi. Ancaq, bu, tam reallaşmadı. Hücumçunun karyerasının ilk illəri ənənəvi deyildi. 

Keçən il "The Player's Tribune”a verdiyi geniş müsahibədə forvard Braziliya klubu "Internacional”da olarkən məhkəməsindən bir gecə əvvəl seks otelində qalmaları ilə bağlı təcrübəsini xatırladıb: "Beləliklə, böyük gün gəlir və biz "Internacional”la məhkəməyə gedirik. Bir ömür şansı. Brankodan Porto Aleqreyə qədər doqquz saatlıq yoldur. Biz ora çatırıq və atam başa düşür ki, otelin lazımi xərclərini ödəyə bilməyəcək. O, nə edir? Bizi seks otelində saxlayır. Heç bir fikrim yox idi!! Anlamaq üçün çox gənc idim. Düşünürəm ki, otağımızda kiçik bir çarpayıdan başqa heç nə yox idi”.

Pato Avropaya, daha doğrusu, "Milan”a yollanandan sonra San-Siroda qəhrəmana çevrildi. Lakin bədəninin artıq onu iflasa uğratmağa başladığını hiss edirdi: "Yalnız məşqi fikirləşirdim, zədə ala bilmərəm. Əgər incisəydim, heç kimə deməzdim. Əzələ problemimdən sağalacaqdım, sonra topuğumu bağlayıb oynayacaqdım. Topuğum top kimi şişmişdi, amma komandanı zəiflətmək deyil, hamını razı salmaq istəyirdim. Bu mənim qüsurlarımdan biri idi”.

Milanda keçirdiyi illərdən sonra karyerasına "Çelsi” və "Vilyareal”ın da adını yazdırdı. Lakin Patonun xəyalları onu sonradan Çin və Amerikaya da apardı. Futbolçu həmin dönəmləri belə xatırlayır: "Hər ikisi heyrətamiz təcrübədir, lakin elit futbolun episentrindən uzaqdır”. 

 

Nəhayət 33 yaşında yenidən Braziliyaya, "Sao-Paulo”ya qayıdandan sonra "Santos"la matç üçün onun adının ehtiyat oyunçuların siyahısına salındığı elan edildikdə, "Estadio Morumbi”dəki "Sao-Paulo” azarkeşləri o qədər yüksək səslə qışqırdılar ki, sanki dinozavr oyandı. Onun təqdimatı gözlənilən qədər dramatik və film kimi oldu… Əlbəttə, qollu qayıdış… "Santos”la oyunda bir müdafiəçidən keçən Pato, diqqətlə hazırladığı tələyə qurbanların düşməsini gözləyən hörümçək kimi cərimə meydançasının kənarına doğru üzdü. "Santos”un üç oyunçusu özlərini "Sevgi Adası”nda yarışırmışlar kimi topa tərəf çəkilən yerdə tapdılar. Pato gülümsəyirdi; onun qəddar planı işə düşmüşdü. Davidə ötürmə edəndən sonra özü müdafiə xəttinin arxasına sıçradı və yenidən qazandığı topu maneken kimi görünən rəqib qapıçının yanından çərçivəyə göndərdi. Bu qədər sadə, lakin çox parlaq. Qol sevinci də olduqca unikal idi. "Sao-Paulo” azarkeşləri oyundan əvvəl qəhrəmanlarını alqışlamaq üçün məşq mərkəzinin ətrafına toplaşaraq sarsılmaz dəstəklərini nümayiş etdirmişdilər.

 

Onun meneceri Dorival Junior da Patonun komanda üçün əhəmiyyətini vurğulayaraq inamını ifadə edib: "Pato böyük təcrübəyə malik müstəsna oyunçudur. Onun qayıdışı hamımız üçün əla xəbərdir. O, öz keyfiyyətini, yaradıcılığını və liderliyini komandaya gətirməyə hazırdır. Onun yenidən parladığını görmək üçün səbirsizlənirik”. Patonun 2014-2015-ci illərdə "Sao-Paolo”da keçirdiyi vaxtları xatırlayan azarkeşlər də onun yenidən meydanda olmasından məmnundurlar. Çılğın tərəfdarlardan biri açıqlamasında, "Bu, klubumuz üçün tarixi bir məqamdır. Pato evə qayıtdı və biz ona inanırıq. Biz onun 100% arxasındayıq və əminik ki, gözəl oyunlar göstərəcək” - deyə bildirib. Bu alqışlı sözlər onu ehtiva edir ki, həyata keçirilməmiş potensialın bütün tərəflərinə baxmayaraq, Pato indi karyerasının qalan hissəsindən həzz almaq üçün mükəmməl mühitdədir. 2023-cü ildə mövcud olmaq üçün keçən amansız yarışda bu çox şey sayılır.