Baş həkim uşaqlar arasında yayılan virusların adını açıqladı

K.Fərəcova adına Elmi Tədqiqat Pediatriya İnstitunun (OMD) baş həkimi Azər Əhmədov "Report”a müsahibəsində bildirib ki, bu il ölkədə uşaqlar arasında mövsümi xəstəliklərə rast gəlinir.

O qeyd edib ki, əvvəlki illərlə müqayisədə ötən ilin noyabr ayından sanki xəstə sayında artım müşahidə edilib:

 

"Təbii ki, həmin xəstəliklərin hamısı da bildiyimiz virus infeksiyalarıdır. Bu da tənəffüs yolu infeksiyalarına səbəb olan virus və bakteriyalardır. İlk dövrlərdə uşaqlar arasında respirator sinsitial virus dediyimiz infeksiya çoxluq təşkil edirdi. Bunu daha sonra qrip kimi tanıdığımız "İnfluenza” virusu əvəzlədi. Daha sonra az sayda adenavirus, Epstein-Barr virusu (EBV) gösrək də daha çox bakterial infeksiyaların A qrupundan olan Beta hemotilik streptokok dediyimiz boğaz infeksiyası yayıldı. Bu, 5 yaşdan yuxarı uşaqlarda daha təhlükəli fəsadlara yol aça bilir. Bu fəsadlara ciddi revmatizm, ürək zəifliyi aiddir. Hazırda həmin infeksiyalara az-az da olsa, rast gəlinir. Lakin yoluxma hallarının azalmasını müşahidə edirik. Bu da təbiidir. Çünki payız-qış mövsümünün bitməsinə yaxınlaşırıq”.

A.Əhmədovun geniş müsahibəsini buradan oxuya bilərsiniz.