Dünya 14:07 30.01.2024

Blinken: "ABŞ-ın Ukraynaya davamlı yardımı olmasa, Putin inanacaq ki..."

ABŞ-ın təsdiq etdiyi yardım olmadan Ukraynanın bütün nailiyyətləri risk altında olacaq.

Qaynarinfo xəbər verir ki, bunu Amerikanın dövlət katibi Entoni Blinken bazar ertəsi, yanvarın 29-da Vaşinqtonda NATO-nun baş katibi ilə keçirdiyi mətbuat konfransında deyib.
 
Onun sözlərinə görə, yardımın Konqres tərəfindən qəbul edilməsi Qərb tərəfdaşlarının Ukraynanın uğuru və Rusiyanın məğlubiyyəti üçün lazım olanı etmələri üçün "həyati əhəmiyyətlidir”.

"Bu əlavə büdcə olmadan biz bütün rəqiblərimizə azadlığı, demokratiyanı müdafiə etməkdə ciddi olmadığımıza dair güclü və yanlış siqnal göndərəcəyik. Və bu, sadəcə olaraq Vladimir Putinin Ukraynanın və bizim başımızı yeyə biləcəyinə inamını gücləndirəcək. Ancaq bu, baş verməyəcək. Bunun belə olmadığına əmin olmalıyıq", - Blinken deyib.

O, Konqresdə güclü ikipartiyalı dəstəyin qaldığını, lakin Ukraynaya vəsait ayırmaq üçün "başqa sehrli qazanın olmadığını” vurğulayıb. Blinken qeyd edib ki, Ukraynaya hərbi yardım başa çatıb və bu, artıq "döyüş meydanına təsir edir”.

Alpər