Dünya 13:25 26.01.2024

Çin səbəb açıqlamadan Litva vətəndaşlarına viza verilməsini dayandırdı

Çin Litva vətəndaşlarına viza verilməsini dayandırıb, lakin Pekin bu qərarın səbəbləri və bu tədbirin müvəqqəti olub-olmaması barədə Vilnüsə əlavə məlumat verməyib. 

Qaynarinfo "Delfi"yə istinadən xəbər verir ki, bunu Litvanın xarici işlər naziri Qabrielius Landsbergis deyib.

"Bu barədə bizə məlumat verilib. Əlavə məlumat verilmir. Mən bilirəm ki, zərurət yaranarsa, Litva vətəndaşları başqa ölkələrdə - Polşada və ya başqa yerdə qəbul oluna bilər", deyə Landsbergis bildirib.

Bundan əvvəl Litva Müdafiə Nazirliyi hərbi qulluqçuların və nizamnamə işçilərinin vəzifədən kənar Rusiya, Belarus və Çinə səfərlərini qadağan etmişdi.

Litva Müdafiə Nazirliyi hesab edir ki, bu ölkələr məxfi məlumatlara daxil olmaq hüququ olan Litva vətəndaşları haqqında məlumat toplayır və onları işə götürmək üçün zəifliklər axtarır. Həmçinin, Litva hökuməti bu cür səfərlər üçün istisnalar müəyyən edəcək, xüsusən də fövqəladə hallar, yaxın qohumlarla bağlı həyati məsələlər və s. hallarda onlara icazə veriləcək.

Aydın