Dünya 16:32 30.09.2022

Patriarx Kirill COVID-19-a yoluxdu

Moskva və bütün Rusiyanın Patriarxı Kirill koronavirusa yoluxub.

Qaynarinfo xəbər verir ki, bu barədə Kilsənin Cəmiyyət və media ilə əlaqələr üzrə Sinodal Departamentinin sədri, Patriarxın mətbuat xidmətinin rəhbəri vəzifəsini icra edən Vladimir Leqoyda məlumat verib.

"Patriarx Kirilldə COVID-19 virusu aşkarlanıb. Ona yataq rejimi və təcrid məsləhət görülüb. Patriarxın yaxın günlərdə bütün planlaşdırılan görüşləri və səfərləri bu səbəbdən ləğv edilir”, - deyə Rus Pravoslav Kilsəsinin saytında bildirilib.

Mətbuat katibi onu da əlavə edib ki, patriarxın vəziyyəti qənaətbəxşdir.