Azərbaycan Premyer Liqasında mövsümün sonuncu - XXXVI turunun daha bir oyunu keçirilib.
Qaynarinfo-nun məlumatına görə, "Sabah” "Bakcell Arena”da "Neftçi”nin qonağı olub.
Komandalar müvafiq olaraq gümüş və bürünc medalı təmin etdiklərindən, qarşılaşma formal xarakter daşıyıb. Matçda cəmi 1 qol qeydə alınıb. Kapitan Emin Mahmudovun 9-cu dəqiqədə vurduğu top "Neftçi”yə 1:0 hesablı qələbə qazandırıb.
Turun əvvəlki oyunlarında "Zirə” "Sumqayıt”ı (3:0), "Səbail” "Şamaxı”nı (1:0) məğlub edib, "Qəbələ” ilə "Kəpəz” (1:1) bərabərə qalıblar. Mövsümə bu gün keçiriləcək "Qarabağ” – "Turan Tovuz” görüşü ilə yekun vurulacaq.
Şərhlər