Dünya 10:15 31.05.2023

PUA-lar bu dəfə Rusiyanın Krasnodardakı neft emalı zavodunu vurdu

Krasnodar diyarında Afipski neft emalı zavodunun (NEZ) ərazisində yanğın baş verib. 

Qaynarinfo xəbər verir ki, regionun qubernatoru Veniamin Kondratiyev Telegram kanalında yazdığı ilkin məlumatlara görə, yanğına səbəb pilotsuz təyyarənin hücumu olub.
 
Onun sözlərinə görə, yanğın 100 kvadratmetr sahədə lokallaşdırılıb, hadisə nəticəsində tələfat olmayıb. Saat 5:40-da yanğın söndürülüb.
 
Afipski Neft Emalı Zavodu vilayətin Severski rayonunda, Krasnodardan təxminən 15 km aralıda, eyniadlı kənddə yerləşir.