İdman 15:13 18.01.2024

Qadın futbolçudan etiraf: "Bu həyatımın ən pis öpüşü idi"

İspaniya millisinin heyətində qadın futbolçular arasında dünya çempionu olan Cennifer Hermoso etiraf edib ki, İspaniya Kral Futbol Federasiyasının (RFEF) keçmiş prezidenti Luis Rubialesin mükafatlandırma mərasimindən sonra onu zorla öpməsi səbəbindən yaranan qalmaqalın öhdəsindən gəlmək onun üçün çətin olub. 

Qaynarinfo xəbər verir ki, bu barədə "Marca" məlumat yayıb.

"Mənim çox dözümlü olan polad zirehlərim var. Mən güclüyəm, indi özümü çox güclü qadın kimi hiss edirəm. Düşünürəm ki, yaşadığım hər şey bəyəndiyim Cenni Hermoso etdi. Rubialesin öpüş qalmaqalı həyatımda baş verən ən pis şeylərdən biri idi, hətta ən pisi idi. Və bununla məşğul olmaq çox çətin oldu", - deyə futbolçu bildirib.

2023-cü il Dünya çempionatının finalından sonra İspaniya komandasının İngiltərə yığmasını məğlub etdiyi (1:0) mükafatlandırma mərasimində millinin qələbəsinə sevinən Luis Rubiales Hermosonu qucaqlayıb və dodaqlarından öpüb. Rubialesin davranışı qalmaqala səbəb olub və o, İspaniya Kral Futbol Federasiyasının rəhbəri vəzifəsindən, eləcə də UEFA-nın vitse-prezidenti vəzifəsindən istefa verib.

Hadisə nəticəsində FIFA nizam-intizam komitəsi Rubialesi 3 il müddətinə futbol fəaliyyətindən kənarlaşdırıb.

Aydın