Dünya 12:21 21.02.2024

Rusiya sanksiyalara görə yeni neft alıcıları axtarır - "Bloomberg"

Qərb ölkələrinin sanksiyalarının sərtləşdirilməsinə görə Rusiya öz neftinə yeni alıcılar axtarır. Bu yaxınlarda Venesuela sahillərinə Rusiyaya məxsus "Urals” nefti daşıyan tanker gəlib.

Qaynarinfo xəbər verir ki, bu barədə "Bloomberg" yazır.

"Ligera” gəmisi hazırda neft emalı zavodu ilə əlaqəli olan Amuay körfəzinin yaxınlığında yerləşir. Əvvəlki ayda tanker Venesuelaya getməzdən əvvəl Yunanıstanın cənubundan gəmidən gəmiyə transferdə 1,7 milyon bareldən çox Rusiya nefti yükləyib. 

Bloomberg qeyd edir ki, tankerin gəlişi son 5 ildə ilk təsdiqlənmiş Rusiya neftinin Venesuelaya tədarüküdür. Əvvəllər Venesuela öz neftinin qarışdırılması və ixracı asanlaşdırmaq üçün xarici neft idxal edib.

Bu tədarük husilərin Qırmızı dənizdə ticarət gəmiçiliyinə hücumları fonunda baş verir. Bu səbəbdən bir çox gəmi ekipajların və yüklərin təhlükəsizliyini təmin etmək üçün Qırmızı dənizdən yayınır. 

Əvvəllər "Urals” markalı neft Karib hövzəsinə, əsasən Kubaya satılırdı, lakin tədarük həcmi getdikcə azalır. Gəmi izləmə məlumatları 2022-ci ildə altı gəmi ilə müqayisədə keçən il Kubaya yalnız iki tankerin gəldiyini göstərir.

Nizami Bağırov