Dünya 16:58 29.12.2023

Türkiyə sinaqoq və kilsələrə hücum hazırlayan 32 İŞİD-çinin ələ keçirdi

Türkiyə təhlükəsizlik qüvvələri "İslam Dövləti" (İŞİD) terror qruplaşması ilə əlaqədə şübhəli bilinən, sinaqoq və kilsələrə, eləcə də İraq səfirliyinə hücumlar təşkil etməyi planlaşdıran 32 nəfəri saxlayıb.

Qaynarinfo xəbər verir ki, bu barədə "Avropa həqiqəti” yazır https://www.eurointegration.com.ua/rus/news/2023/12/29/7176408/  .

Türkiyə polisi və Milli Kəşfiyyat Təşkilatı (MİT) doqquz vilayətdə keçirdiyi birgə əməliyyatda 3 yüksək rütbəli İŞİD üzvünü və onlarla əlaqəli 29 şübhəlini hərəkətə keçmədən ələ keçirib.

Mənbələr bildirirlər ki, İŞİD-in yerli hücrəsinin iki qondarma kəşfiyyat rəisi Türkiyədəki kilsə və sinaqoqlara, üçüncüsü isə İraqın Ankaradakı səfirliyinə hücum etməyi planlaşdırırdı.

Reydlər zamanı səlahiyyətlilər terror qruplaşmasına aid saysız-hesabsız rəqəmsal materialları ələ keçirib.

Bildirilir ki, üçlük İŞİD-lə, onun Suriya və Türkiyədə fəaliyyətləri ilə əlaqəsi olduğunu etiraf edib, həmçinin bu ölkədə fəaliyyət göstərən yaraqlılar haqqında ifadə verib.

Həbslər, polisin Yeni il şənlikləri öncəsi təhlükəsizlik yoxlaması kimi görünən Türkiyə ərazisində eyni vaxtda keçirilən reydlər zamanı 304 şübhəli İŞİD yaraqlısını saxlamasından bir həftə sonra baş verib.

İslam Dövləti qruplaşması Türkiyədə bir sıra ölümcül hücumlar həyata keçirib, o cümlədən 2017-ci il yanvarın 1-də İstanbul gecə klubunda Yeni il şənlikləri zamanı 39 nəfərin ölümünə səbəb olan terror törədib.

Bölgədə 12 türk əsgərinin öldürülməsindən sonra Türkiyənin İraqın şimalında yeni qurduğu daimi bazalarını yaxın aylarda gücləndirəcəyi bildirilir.

Ankara daha əvvəl hava qüvvələrinin həftə sonu əsgərlərin öldürülməsinə cavab olaraq Suriya və İraqın şimalında endirdiyi zərbələr nəticəsində 26 kürd yaraqlısını zərərsizləşdirdiyini bildirmişdi.

Alpər